Ausflug nach Ravensburg 

Wöllet Ihr a Versle höra?

I probier’s halt wieder mol;

Will beim Schwätza net lang störa,

‚s isch net lang uf jeden Fall.

Baustelle machet heut Probleme,

drom isch d’Kaffeepaus‘ net lang.

En Ravensburg, do wartet d’Führung –

Dr Evi wird’s a bissle bang.

Doch die Fahrt isch zom Genießa,

dr Hans erklärt ons wo mr send.

Mr glaubt kaum, wie viel schöne Plätzla

Mr en onserm Ländle fend.

S’Wetter war heut wunderbar –

Mr hot net klage könne,

drom müsset mir au heutzutag

niemand als Hex‘ verbrenna.

En Weingarte im Rössle,

do sen mir überrascht,

Do wartet dr Herr Sailer

Als Überraschungsgast.

Zwor war net jede z’frieda

Mit Wurst ond Supp ond Brot;

Ond andre wartet endlos –

Vom Verhungra scho bedroht!?!

Noch 87 Stufa send mir am Martinsberg.

Handwerker send überall

An dr Basilika am Werk.

Mr macht ons mit der schöna Kirch‘

Ond Orgel jetzt bekannt.

Mir höret viel Legenda

‚s isch wirklich interessant.

Bevor mr hoimfahrt langt’s no g’schwend

En Eisbecher – isch klar.

Ond domit war’s a runde Sach,

der Tag war wunderbar.

Jetzt goht’s scho wieder Richtung hoim.

Schö war des ausgedacht.

Mir danket Euch, dem Vorstandsteam.

Des hen ihr prima g’macht!!

(G.B. 03.09.2013)